Kryetari i Komunës së Preshevës, Shqiprim Arifi, ka deklaruar se në mesditën e nesërme do të bëjë dorëzimin e Kallëzimit Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptarë.
Ai ka bërë të ditur se Kallëzimi Penal do të bëhet për zhvatjen e mjeteve të taksapaguesve kosovarë përmes konkursit të Këshillit Kombëtar Shqiptarë në Luginën e Preshevës dhe implikimit të Qeverisë së Kosovës, raporton teve1.info.
“Të martën në ora 14:00, në cilësinë e kryetarit të Komunës së Preshevës, bëj dorëzimin e Kallëzimit Penal në Prokurorinë Speciale në Prishtinë, për keqpërdorimin e mjeteve të Qeverisë së R. Kosovës nga ana e Këshillit Kombëtar Shqiptarë”, ka njoftuar Arifi.
Arifi vjen nesër në Prishtinë, dhe mbanë konferencë për medie para ndërtesës së Prokurorisë.
