Ai tha se aty ku punohet edhe bëhen shkelje mirëpo e mohoi akuzën që janë bërë shkelje me pretendim të përfitimit të dikujt prej zyrtarëve në komunën e Ferizajt.
“Janë shkelje minimale, atu ku punohet bëhen edhe shkelje, është normale. Duhet të dallohen shkeljet me pretendim të përfitimit të dikujt prej zyrtarëve në komunë apo dhënia e përparësie të një kompanie më qëllim të përftimit ese të zyrtarit ose të kompanisë, këto janë çështje tjera, ne këtu e kemi pasur kujdesin. Zhvillimi procedurave, nuk e zë shumë tragjike edhe nëse ka pasur gabime, nuk kanë qenë ato shqetësim që është dashur të bëhemi merak”, tha Aliu.
I ftuar në emisionin “Info Nata” në Tëvë Lulzim Aliu u shpreh se si qeverisje kanë pasur probleme të vazhdueshme financiare pasi që e kishin trashëguar edhe një borxh prej 10 milionë euro nga qeverisja e kaluar.
“Si qeverisje kemi pasur problem financiare të vazhdueshme, e kemi trashëguar një borxh të jashtëzakonshëm prej 10 milionë euro dhe dinamika e zhvillimit të projekteve ka shkaktuar shqetësime në kuptimin e mundësisë për t’i përballuar punët dhe kjo ka ndikuar që të ndërrohen dy ose tre zyrtarë të prokurimit, por kjo në kuadër të asaj të punëve, të dinamikës së punëve e jo për shkak të gabimeve dhe shkeljeve që i kanë bërë dhe tani është dashur të largohen ose të përjashtohen prej pozitave”, tha Aliu.
