Në duar po mbanë flamurin kuq e zi.
E atë po e vendos në objektin e komunës së Preshevës.
Kryetarja e Preshevës, Ardita Sinani thotë se festa e Pavarësisë së Shqipërisë është e rëndësishme për shqiptarët e Luginës.
Sipas saj, pavarësisht sfidave, shqiptarët janë të bashkuar.
Si në Preshevë, flamuri kombëtar u valëvit edhe në Bujanoc.
Aty kryetari i Këshillit Kombëtar Shqiptar, Enkel Rexhepi e vendosi.
Pavarësisht që disa herë është dënuar, Rexhepi thotë se vendosja e tij do të bëhet gjithmonë.
E afër ndërtesës së komunës, para vendit të lapidarit të dëshmorëve për 28 nëntor bënë homazhe Organizata e Veteranëve të Ushtrisë Çlirimtare të Preshevës, Medvegjës dhe Bujanocit.
Ish kryetari i kësaj organizate, Nazmi Haradini kërkoi kthimin e lapidarit në vendin e vet.
Festës së nëntorit iu gëzuan edhe qytetarët e Preshevës.
Ramiz Zeneli tha se po jeton me shpresë që shqiptarët të bashkohen me një vend.
28 nëntorin e nderon edhe Ekrem Dalipi nga kjo komunë.
Sa herë që vendoset flamuri kuq e zi në tri komunat shqiptare në Serbi, policia atje dënon krerët institucional për vendosjen e flamurit kuq e zi.
