Policia e Kosovës (PK) përmes raportit 24 orësh, ka njoftuar se e dyshuara për shkaktim të aksidentit në rrugën “Agim Ramadani” të hënën, ku vdiq një këmbësor, është dërguar në mbajtje.
Sipas Policisë, trupi i pajetë i viktimës është dërguar për obduksion në Institutin e Mjekësisë Ligjore (IML), ndërsa rasti është nën hetime.
“Rr. Agim Ramadani, Prishtinë 26.02.2024 – 12:50. E dyshuara femër kosovare duke e drejtuar veturën e saj ka goditur këmbësorin mashkull kosovar, i cili si pasojë e lëndimeve të marra ka ndërruar jetë. Vdekjen e viktimës e ka konstatuar mjeku kujdestar. Ndërsa me vendim të prokurorit e dyshuara është arrestuar dhe është dërguar në mbajtje, kurse trupi i pa jetë është dërguar për obduksion në IML-Prishtinë. Rasti nën hetime”, thuhet në njoftim.