27 vite më parë në njërën prej betejave të para të Ushtrisë Çlirimtare të Kosovës kundër forcave pushtuese serbe u vra në fushë-betejë Luan Haradinaj.
Me 6 maj 1997 në kufirin shqiptar-shqiptar ra ai ra heroikisht në moshën 24 vjeçare.
Duke sjellë armatim nga Shqipëria për në Kosovë, Haradinaj së bashku me një grup të ushtarëve u përballën me pjesëtarët e ushtrisë serbe.
E detaje se si u vra Luan Haradinaj, jep bashkëvendësi i tij, Xhafer Sejfijaj, i cili është edhe ciceron në kompleksin memorial “Dëshmoret e kombit” në Gllogjan të Deçanit.
“Luan Haradinaj shpesh e kish bërë atë rrugëtim, shkuarje ardhje, duke shku në Shqipëri më marr armatim e ka pru në Kosovë,e ka bërë ditën e natën, e asnjëherë nuk është nxënë në prite, e atë ditë është nxënë në pritë duke u kthy me armatim. Gjatë udhëtimit Luani i kthehet Ramushit duke i thënë mashkull këta që janë me neve a janë veç turistë a do të hyjnë në luftë dhe Ramushi i thotë jo këta, janë komandantë të parë të Ushtrisë Çlirimtare të Kosovës, dhe ai betohet se o gjallë o vdekur do të hyjë në Kosovë, dhe në të vërtetë Luani ka hi në Kosovë dhe në territorin e Kosovës është vra”, thotë bashkëvendësi i Luanit, Xhafer Sejfijaj
E tërheqja e trupi të heroit Luan Haradinaj nuk ishte aspak e lehtë për të vëllain, Ramush Haradinaj.
“Gjatë atij rrugëtimi, të gjithë ata pjesëtarë të Ushtrisë Çlirimtare nuk e kanë ditë që Luani dhe Ramushi janë vëllezër pasi gjatë gjithë kohës, ata janë thirr “hej mashkull”, “hej mashkull”, deri sa ka ra heroikisht Ramush Haradinaj. Me te ra heroikisht, Luani, Ramushi iu tregon se Luani është vëllai i jemi, ashtu e punojnë një lese për me bajt Rafetin të plagosur për në fshati Vlanë, prej kufi për në fshatin kanë bërë 6 orë, e trupin e Luanit, e ka bartë Ramushi vetun në krah”, tregon Sejfijaj.
Krenar me heroin Luan Haradinaj shprehet edhe Shaq Selmani nga fshati Gllogjan i Deçanit.
“Krenari është për të gjithë fshatin shqiptar e jo vetëm për Gllogjanin, sepse ai nuk e ka bërë vetëm për Gllogjanin por për Kosovën, shqiptari. Inshalla populli jon nuk mbet vetëm më këtë Luan, e ka edhe luana tjerë”, thotë ai.
Heroi Luan Haradinaj, kujtohet nga ai si një djalë vizionar.
“Luani ka pas vizion ma të gjatë, aktivitetet e tij e kanë larguar prej fshatit, dhe gjenerata e vet nuk ka mujt… se ka punu në ilegalitet deri në shpallje e luftës”, thotw Selmani.
Luan Haradinaj u varros me nderime të larta me 7 maj në fshatin Vlanë të Shqipërisë, kur pas çlirimit të vendit ai rivarroset në vendlindje.
Në 27 vjetorin e rënës, Luan Haradinajn e kujtuan krerët e shtetit e ata të opozitës duke shprehur mirënjohjë për veprën heroike që bëri Luani për lirinë e Republikës.
