Shi si në ditën kur lanë me forcë shtëpitë e tyre binte edhe në përvjetorin e 26-të të Masakrës së Lybeniqit.
Burrat dhe gratë e këtij fshati e panë tmerrin me sy atë ditë.
Forcat paramilitare serbe të njësitit “Çakejt”, që ishin pjesë e njësitit “177” në Pejë të ushtrisë jugosllave, pasi dëbuan nga shtëpia familjet, i ndanë burrat prej grave dhe fëmijëve.
Më pas, në mënyrë mizore i privuan nga jeta rreth 60 civilë, ku nuk kursyen as fëmijët.
Gjithë këta u kujtuan nga familjarët në varrezat e fshatit LUbeniqit.
Njëri nga dëshmitarët e këtij krimi, kujton ditën kritike të 1 prillit me emocione.
“Këtu ka pas tu banua njerëz në 1 prill. Forcat e mëdha ushtarake policore e kanë rrethu fshatin e brenda kane hy njësi paramilitare që i kanë grumbull nga gjumi, ditë shiu në ora 7 të mëngjesit në fundin e fshatit i kanë nda gra e fëmijë, e disa edhe kanë mbet e aty i kanë pushtu në mënyrën më mizore, 60 burra të cilët kanë mbetur të vdekur,49 atë ditë me një prill edhe 10 të plagosur. Edhe dy familjet të cilat kanë ik atë ditë në mal i kanë vrarë serbet lokal në bjeshkët e fshatit dy familje Alimehaj dhe Ukshinaj”, thotë Nezir Jahmurtaj – përfaqësues i institucioneve lokale.
Në varrezat e fshatit Lubeniq për të bërë homazhe përveç familjarëve të martirëve erdhi edhe kryetari i Aleancës për Ardhmërinë e Kosovës, Ramush Haradinaj.
“Në fakt këtu kanë ndodh 3 masakra, një me 25 maj 1998 herët që në fillim të luftës e krijimit të njësive të para të UÇK-së pastaj 1 prilli ku janë 59 të vrarë edhe fëmijë nën moshën 2 vjeç. Edhe një javë më vonë se 1 prill në bjeshkë ku ka pasur të strehum prapë edhe një masakër. Janë edhe 10 të pagjetur, nuk ka ndodh drejtësia për gjithë këta njerëz vërtetë është njerëzore me kërku drejtësi”, tha Haradinaj.
Më pas, për të nderuar të rënët erdhi edhe kryekuvendari, Glauk Konjufca. Ai kërkoi drejtësi për martirët.
“Na mundon shumë fakti që edhe 26 prapa nuk kishte asnjë proces të rëndësishëm të gjyqësisë të drejtësisë që ju nevojitët familjeve e krejt popullit tonë se pa drejtësi këto janë plagë të hapura në trupin e popullit tonë. 01:30-01;35 Ne do të bëjmë thirrje edhe nuk do të lodhemi asnjëherë për të bërë thirrje për drejtësi”, u shpreh Konjufca.
Për të bërë homazhe në Lubeniq erdhën edhe figura tjera politike.
Kjo masakër u dokumentua më 1999 edhe nga Human Rights Watch.
