Çiftelisë e këngës nuk iu nda as në kohët e vështira të vendit.
Bahri Faziliu jetën e tij e dha për lirin e atdheut por, ai pas la edhe poezi të shumta kushtuar vatanit.
E përveç pendës, ai në të njëzetat e tij rroki edhe armën në duar për çlirimin e vendit.
Ku edhe më 7 maj të vitit 1998, ai ra heroikisht në trekëndëshin kufitar shqiptar, Mali i Zi – Kosovë – Shqipëri në vendin e quajtur Bogiqe.
Lajmi për vrasjen e tij në moshën 27 vjeçare, gjatë përballjes së drejtpërdrejt më forcat serbe, nuk ishte aspak i lehtë për vëllain e madh të Fahriut, Fadilin.
“Lajmin për vdekjen ka qenë shumë i rëndë, dhe na ra diqysh… se nuk e pritshëm, se duke ditur aftësitë e tij nuk e pritshëm vdekjen, edhe pse e përcjellë gjatë kohës kur u nisë anej dhe lajmi na trondi”, shprehet vëllai i dëshmorit.
Përveç armës që mbajti në duar, kompjuteri e çiftelia e shoqëronin çdo herë.
E këto janë edhe kujtimet më të mira, që shokët e ngushtë i mbajnë në mendje edhe pas 26 viteve që ai ka ndërruar jetë.
“Bahriu ka qenë njëri prej djemve me të shkathtë e me inteligjent, vazhdimisht kur se ka pas kompjuterin në dorë e ka pas çiftelin, ka qenë instrumentalit shkëlqyer”, shprehet Ramë Vataj, shok i Bahri Fazliut.
“Ishte në themelin e një lëvizje për çlirimin e Kosovës, ishte në themelet e një redaksie të një organi sikurse që ishte çlirimi, ishte nisma e shumë shkrimeve dhe autori i shumë shkrim, të cilat frymëzon vetëm masat por njerëzit në radhët e lëvizjes kombëtare për çlirimin e Kosovës:, thotë shoku tjetër i Fazliut, Shukri Klinaku.
Për Bahri Fazliun, të martën, tek varrezat e dëshmorëve në Velani të Prishtinës, bëri homazhe edhe kryeministri i Kosovës, Albin Kurti.
“Bahri Fazliu është jo vetëm dëshmor i kombit, por edhe veprimtar i shquar edhe luftëtar çlirimtar edhe artis këngëtar instrumentist e poet, i cili ka lënë shumë shkrime e poezi të cilave nuk përfundon asnjëherë aktualitet”, tha Kurti.
Për homazhe këtu erdhën edhe anëtaret e Partisë Demokratike të Kosovës , familjar e shok të Bahri Fazliut.
