26 vjet më parë, regjimi serb vrau mbi 100 të burgosur në burgun e Dubravës.
E kjo datë, mblodhi këtë të enjte deputetë të Kuvendit të Kosovës, për të përkujtuar gjenocidin serb të kryer aty.
Aty të pranishëm u panë edhe të mbijetuar të kësaj masakre.
E para tyre, kryeministri në detyrë, Albin Kurti tha se tmerret që ishin kryer brenda burgut, ishin përgatitur mirë nga serbët.
Teksa bëri thirrje që Prokuroria të nis hetimet sa më parë.
“Më 24 maj 1999 nga rreth 980 të burgosur sa ishin grumbulluar në burgun e Dubravës, një u zhduk pra Ukshin Hoti qe edhe sot vazhdon të jetë në mesin e të zhdukurve me dhunë, 117 të burgosur u vranë, kurse 300 të tjerë u plagosë prej tyre 185 rëndë. Por, zbulimi i masakrës së Dubravës është zbulim edhe i kryesve të kësaj masakre i planifikuesve të skenarëve të saj, i urdhërdhënësve, por edhe i zbatuesve….Bëj thirrje përsëri që Prokuroria Speciale e Kosovës të filloj zhvillimin e hetimeve për këtë masakre dhe inicimin e proceseve gjyqësore për të, u shpreh Kurti.
E në anën tjetër, kryetari i Shoqatës së ish të burgosurve politik, Shefik Sadiku, kërkoi që të bëhet një ligj i veçantë për gjenocidin në Dubravë.
“Kërkojmë nga Qeveria e Republikës së Kosovës që e cila duhet të themelohet së shpejti që ta procedojë një ligj për masakrën fraksion gjenocidin në burgun e Dubravës të vitit 1999 që t’iu mundësohet ish të burgosurve për të dhënë dëshmi personale në Prokurorinë pa pagesë, të ngritën padi personale dhe të udhëzohen profesionalisht për gjenocidin e shtetit serb të cilët e kanë kryer mbi ta në burgun e Dubravës prej 19-24 maj 1999, sepse shumica e tyre po vdesin me këtë breng”, tha Sadiku
Masakra e Dubravës është një nga masakrat më të mëdha në Kosovë kundër shqiptarëve nga regjimi serb, ku përveç shumë të burgosurve të vrarë, janë plagosur edhe mbi 300 të tjerë.
