Policia e Kosovës ka njoftuar se për nder të 25-vjetorit të çlirimit të vendit, do të kujdeset për sigurinë.
Sipas njoftimit të policisë, bëhet e ditur se do të ketë ndërprerje të përkohshme të qarkullimit të automjeteve dhe riorientim të trafikut në rrugë alternative.
Kjo do të jetë pasi që gjatë ditës së sotme në Kosovë do të ketë ngjarje ku do të marrin pjesë personalitete të rëndësishme vendore, rajonale dhe ndërkombëtare.
“Policia e Kosovës do të kujdeset për sigurinë dhe lëvizjen e eskortave të personaliteteve sipas itinerarit nëpër rrugë të ndryshme, duke përfshirë vendkalimet kufitare, Aeroportin ndërkombëtar “ Adem Jashari” dhe rrugët të cilat të shpien në drejtim të institucioneve shtetërore të Republikës së Kosovës”, thuhet në njoftimin e policisë./teve1.info/
