Mëngjesi i së martës i ngjasoi shumë Rexhë Kelmendit me mëngjesin e 14 majit të vitit 1999. Ai atë ditë pa me sy tmerrin nga masakra që bënë forcat serbe në fshatin Qyshk të Pejës. Kelmendi I cili është një nga tre të mbijetuarit e tri shtëpive ku u vranë 44 civilë thotë se Serbia ka bërë atë çka nuk kujtohet njeri në këtë fshat.
Vrimat e plumbave edhe pas 25 vjetëve mbetën këtu.
Ashtu si ato, as kujtimet e hidhura nga dita kur ato u shkrepën, nuk janë fshirë nga kujtesa e Rexhë Kelmendit.
Të mbijetuarit të njërës prej tri shtëpive ku u vranë 44 civilë të fshatit Qyshk nga forcat serbe, mëngjesi i sotëm i ngjasoi shumë me atë të 14 majit të vitit 1999.
Kelmendi tregon se si mrekullisht doli gjallë nga kjo dritare dhe la pas tetë bashkëfshatarë të cilët së pari u qëlluan me plumba e pastaj u dogjën nga forcat serbe.
E Mujë Gashi, në atë kohë 20 vjeç, me lot e kujton ditën kur humbi babanë dhe atë e ndanë nga rendi i djemve dhe burrave të Qyshkut që gjetën vdekjen atë ditë.
Si Kelmendi ashtu edhe Gashi u shprehën skeptik se mund të sillet drejtësia në vend për krimet e kryera nga Serbia në këtë fshat.
Në prill , shtatë ish pjesëtarë të grupit Çakallët u dënuan nga Gjykata e Beogradit me 54 vjet burgim për krimet e kryera në Qyshk, Pavlan, Zahaq dhe Lubeniq të Pejës mes prillit dhe majit të vitit 1999.
Jetmira Lushi
