Në këtë vend para 25 vitesh kishin vdekur dhjetë shqiptarë.
Kjo pasi që “rojet e urës” së asaj kohë në Mitrovicë të Veriut kishin dëbuar e masakruar banorët e kësaj ane.
E kryetari i Këshillit rajonal për Mbrojtjen e të Drejtave dhe Lirive të Njeriut në Komunën e Mitrovicës, Halit Barani tregoi për televizionin se si kishte rrjedhur e gjithë ngjarja.
“Në natën e 3 dhe 4 shkurtit të viti 2000 duke filluar nga ora 21:00 të datës 3 shkurt deri në orën 04:00 të mëngjesit të 04 shkurtit të vitin 2000, hordhitë kriminele çetnike serbe dalin në pjesën e okupuar të qytetit, në lagjen Ibri ku brenda nëpër shtëpi dhe banesat e veta i pushkatojnë 10 shqiptarë. Pesë femra dhe pesë meshkuj në mesin e tyre një fëmijë 13 vjeçar Nderim Ajeti. I plagosi me armë zjarri 25 të tjerë”.
Madje Barani tregoi edhe lagjet që ka prekur kjo masakër e numrin e të dëbuarve nga vendbanimet e tyre.
“I dëbojnë me dhunë prej datës 3 shkurt 2000 deri me datën 17 mars 2004 1564 familje me 11 mijë e 364 anëtarë nga pjesa e okupuar e qytetit përkatësisht nga Lagjia Kodra e Minatorëve, Kroi i Vitakut, 7 shtatori dhe lagjia Ibri i dëbojnë me dhunë këto familje shqiptare. Sot asaj ditë për pjesën dërmuese të tyre nuk dihet ku kanë shkuar e ku janë”, ka deklaruar ai.
Barani ndër të tjerash tregoi se e gjithë kjo masakër ka ndodhur në prezencën e ushtrisë Franceze dhe policisë së UNMIK-ut.
Për këto krime Gjykata Themelore në Mitrovicë më 2014 kishte dënuar Ivanoviqin, me nëntë vite burgime për krime për krime lufte ndaj shqiptarëve gjatë dhe pas luftës në Kosovë.
