Në kuadër të marrëveshjes për ndërtimin, rindërtimin dhe renovimin e shtëpive në katër komunat veriore nga qeveria e Kosovës, të martën ministri i Mjedisit Planifikimit Hapësinor dhe Infrastrukturë, Liburn Aliu ka dhënë çelësat për 25 shtëpitë e shqiptarëve.
Me veshje kombëtare e të buzëqeshur po e presin momentin.
Ky gëzim i fëmijëve dhe kësaj familje në Kroin e Vitakut n veri të Mitrovicës, vjen pasi të njëjtit u bënë me këtë shtëpi të re.
Mes lotësh e gëzimit, pranimin e çelësave të shtëpisë kryefamiljares ia b=ri ministri i Mjedisit Planifikimit Hapësinor dhe Infrastrukturës, Liburn Aliu.
E kryefamiljarja thotë se ndihet e lumtur për rikthimin në shtëpinë e saj e cila ju dogj nga strukturat paralele serbe pas luftës në Kosovës.
As emocionet nuk munguan.
“Ndihem shumë mirë, s’ka më mirë se kur njeri kthehet në shtëpinë e vet, e në oborr të vetin. Kam bredhur nëpër rrugë, qeraja e në shtëpi të huaja tash jam shumë e qetë, shumë mirë. Me kojshi nuk kemi asnjë problem”, është shprehur ai.
Ngjashëm gëzim patën edhe tre vëllezër të cilët janë përfitues të kësaj shtëpie tre katërshe këtu në lagjen e Boshnjakëve në veri të Mitrovicës.
Çelësin e kësaj shtëpie e dha kryetari i Mitrovicës së Veriut Erden Atiq.
“Faleminderit shumë që keni rezistu, keni durua 25 vite, si qeveri dhe kryetar po mundohemi me iu dalë ballë kërkesave që i keni pas, kena me kry hala punë tjera”, tha ai.
Përfituesi i këtij projekti, Lulzim Rakateli tha se më herët nuk u ndihmuan nga askush, madje kanë jetuar edhe me qera.
“ U zatetëm, po shyqyr dashti Zoti erdh qeveria e Albin Kurtit, bashkë me tjerë e tjerë që kanë fol mirë, Zoti i shpërbleftë, edhe shpresat nuk na hupën mbajtëm ymyt në qeto të fundit se dikur u zatetëm,. Merr kredi për qera, për tesha”, tha ai.
Brenda kësaj ndërtese tre katëshe gjithçka duket ndryshe.
Përurimin e një shtëpie tjetër ministri Aliu e vazhdoi në lagjen Tre Rrokaqiejt, shtëpi kjo e rinovuar.
Nuk përfundoi këtu, me shtëpi të re u bë edhe një familje në lagjen Kroi i Vitakut.
“Sot po dorëzohen çelat për 23 shtëpi nga 25 sosh që kanë qenë në këtë projekt. 2 janë në ndërtim e sipër. Nga këto 25, 21 janë rindërtime dhe katër janë renovime për banorët që do të rikthehen në Kroin e Vitakut dhe në zonat për rreth. Është kënaqësi që banorët po kthehen në zonat që më herët kanë të braktisura. 01:34. Edhe rrugët edhe hapësirat publike duhet të jenë projektet e radhës”, tha ministri Liburn Aliu.
Kjo familje pati disa fjalë për situatën në veri të vendit.
“Kurrë situata më mirë s’ka qenë, unë jam banorë nga këtu, përndryshe ne po e ndijmë vetën të sigurt nuk kemi asnjë problem”.
