Nuk ka dyshim se Barcelona është në vështirësi për momentin.
Presioni po rritet mbi Xavi Hernandez dhe lojtarët e tij, dhe u intensifikua vetëm të shtunën pas një barazimi zhgënjyes 1-1 kundër Valencias në Mestalla.
Duke folur pas ndeshjes, Xavi nuk e ka fshehur hidhërimin. Ai ishte tepër i mërzitur me mungesën e cinizmit të skuadrës së tij përpara portës, një aspekt që ka ndikuar në ecurinë zhgënjyese të katalanasve në ndeshjet e fundit.
“Goli i Valencias është një gabim, po, por nëse duhet të fokusohemi në diçka, është efektiviteti. Ne nuk mund t’i falim këto lloj rastesh. E kishim ndeshjen nën kontroll, duhej të shkonim 2-0, nuk e bëmë dhe kjo është ajo që na mungon këtë sezon.
“Ne duhet të jemi një nga skuadrat më të këqija në Europë për sa i përket efektivitetit. Na ndodhi në Mallorca, në Granada. Ne ishim shumë më mirë se Atletico dhe ata pothuajse barazuan. Kundër Gironas duhet të kishim kaluar në 2-1, dhe më pas barazuar 3-3 më vonë. Nuk po ecim mirë në efektivitet”. Xavi nuk e ka gabim, pasi të dhënat tregojnë se Barcelona ka transformuar më pak se një të tretën e rasteve të krijuara para portës së kundërshtarit. Një fakt tepër shqetësues.
