Avokati Xhevdet Smakiqi thotë se Bordi i Drejtorëve të KEK-ut duhet ta largojë përkohësisht nga puna Kryeshefin Ekzekutiv, Nagip Krasniqi i cili është arrestuar nën dyshimet për korrupsion.
Smakiqi ka cituar Ligjin e Punës, i cili thotë se e parasheh suspendimin në këso raste.
Ky mosveprim i Bordit të Drejtorëve sipas Smakiqit jep dyshime të forta se edhe Bordi mund të jetë i përfshirë në rastin për të cilin është arrestuar Krasniqi.
“Prandaj sjellja anarkiste ndaj sistemit juridik te Kosoves, nga ana e Bordit te Drejtorëve te KEK si përfaqsues te aksionarit/Qeverise se Kosoves, demonstron dyshimet e forta se edhe ata supozohet te jenë te perfshirë indirekt ose forma tjera ne veprimet e dyshuara ne rastin e ngritur nga PSRK-ja”, ka shkruar Smakiqi.
“Bordi i Drejtoreve te KEK-ut meqenëse ka dështuar ta mbrojë etiken dhe imazhin e NPQ-së, duke nxjerr vendim per largim te perkoheshem nga puna te Kryeshefit Ekzekutiv ne paraburgim ka kryer shkelje te rëndë pra ka shkelur nenin 73 te Ljgjjg te Punes dhe me këtë veprim tentojne qe edhe te pengojne hetimet penale duke e mbajtur ne pozite te Kryeshefit Ekzekutiv personin e dyshuar”, ka shkruar Smakiqi.
