Shefi i Grupit Parlamentar të LDK-së, Arben Gashi, e ka kritikuar kryeministrin e Kosovës, Albin Kurti, për takimin e 26 tetorit.
Gashi tha se ideja e Kurtit për normalizimin e Kosovës është krijimi i një Asociacioni.
Gashi e kritikoi Kurtin se i po përmend fakte si letra e Mogherinit për ta mbrojtur parimin e tij, derisa shtoi se personat që i kanë krijuar këto fakte i quan tradhëtarë.
“Për fakte, është e vërtetë, e tha edhe kryeministri, është fakt i vitit 2013 dhe 2015 është letra e Mogherinit, është Gjykata Kushtetuese, është ruajtja e partneritet me ndërkombëtarë. Këto tri shtylla ja kemi kërku në vazhdimësi, të triat i ka mohuar. Sot del thotë ishin të mira dhe janë të mira për të ndërtuar Zajednicën, kundër të cilëve vrau njerëz. Sot në momentin kur theksoi në Kuvend se e ka pranu të nënshkruajë tri dokumente me Serbinë për çështje të organizimit të brendshëm të Kosovë, veç le t’i nënshkruajë Serbia. Sot ky quhet vrasës i shokëve të vet, i atyre të rinjve dhe të rejave, i gjymtimit të policëve, ky është vrasësi i tyre”, tha ai.
Ai përmendi edhe argumentin e përdorur nga Kurti se Serbia nuk e donte Asociacionin.
Më pas, derisa deputeti vazhdonte fjalën e tij, deputetët e VV-së godisnin tavolinat duke shkaktuar zhurmë në seancë.