E më 17 dhjetor të këtij viti, shqiptarët e Luginës së Preshevës do të votojnë për të siguruar vendet e deputetëve në Parlamentin e Serbisë. Kësaj radhe, Alternativa për Ndryshim i fton partitë politike shqiptare që të garojnë me një listë të përbashkët sipas Marrëveshjes së Tiranës që është arritur për herë të parë në vitin 2020-të. Mirëpo, nga PVD, PDSH dhe LR, nuk kanë treguar nëse do të jenë pjesë.
Në vitin 2020-të, për herë të parë, shqiptarët e Luginës së Preshevës garuan me një listë të përbashkët për zgjedhjet parlamentare në Serbi.
E gjithë kjo marrëveshje para tre viteve, u arrit me ndihmën e Tiranës dhe përfaqësuesve të saj.
E me anë të kësaj marrëveshje, Alternativa për Ndryshim po synon që prapë të bashkohen.
Kryetari i këtij subjekti politik Shqiprim Arifi, po kërkon që shqiptarët të bëhen bashkë dhe jo të shkojnë me dy lista sikurse vitin e kaluar.
Arifi thotë se së shpejti do i ftoj në takim të gjithë partitë politike shqiptare të Luginës, për të arritur më shumë përfaqësim parlamentin e Serbisë.
Madje ai nuk mendon asnjë version tjetër pos kësaj ideje.
Tëvë1 ka kontaktuar edhe përfaqësuesit e partive tjera politike në Preshevë në lidhje me ftesën e Arifit, mirëpo të njëjtit nuk kanë kthyer përgjigje gjatë gjithë ditës.
