NBA është kthyer aty ku e la vitin e kaluar. Dy ndeshjet e zhvilluara në mëngjesin e sotëm kanë qenë ajo mes kampionit Denver Nuggets dhe La Laker, ndërsa Phoenix Suns u përball me Golden State Warriors..
Lakers u mposhtën nga Denver me shifrat 119 – 107, me këta të fundit qe e nisën takimin furishëm duke shënuar gjithsej 34 pikë në çerekun e parë, aqsa Lakers realizuan në të dytin. Kampioni në pjesën e dytë arriti ta menaxhojë epërsinë e krijuar dhe kështu morri fitoren e parë në edicionin e ri të NBA.
Mbreti James arriti të shënojë 21 pikë 8 kërcime e 5 asistime, të cilat nuk ishin të mjaftueshme, ndërsa Anthony Davis përfundoi takimin me 17, duke mos shënuar asnjë në pjesën e dytë.
Pavarësisht se është 38 vjeçar, James tha pas ndeshjes se dëshiron që të paraqitet në fushë.
“Unë gjithmonë dua të jem në parket. Sidomos kur është mundësia të fitoni ndeshjen, ose të paktën të keni impakt në të. Por besoj se është një mënyrë pune dhe unë do ta ndjek atë.
Në anën tjetër, Nikola Jokic arriti triple-double me 29 pikë, 13 topa të mbledhur nën trapez dhe 11 asistime..
Plejmejkeri i Nuggets, Murray tha se skuadra nuk duhet të fokusohet në atë se çka kanë bërë sezoni ne kaluar.
“Ne nuk mund të mendojmë shumë për sezonin e kaluar”/
Murray e përfundoi ndeshjen me 21 pikë e 6 asistime ndërsa ra në sy edhe paraqitja e Kentavious Caldwell-Pope me 20.
Fitore ka arritur edhe ekipi i Phoenix Suns kundër Golden State, me Devin Booker që ka ndezur zjarrin që në ndeshjen e parë. Përveç se shënoi 32 pikë, ai dha 8 asistime ndërsa pati 6 kërcime. Kevin Durant kontribuoi me double-double i cili realizoi 18 pike dhe shtoi 18 topa nën trapez.
Durant pas ndeshjen tha se ndjehet i lumtur pasi sipas tij po vlerësohet ajo që po bën për ekipin.
“Është gjithmonë e bukur kur vërehet puna që ju bëni, poashtu isha i lumtur që pashë disa fytyra të njohura të cilat nuk i kisha parë një kohë. Ndjehem sikur fansat këtu nuk kanë asgjë përveç dashurisë dhe respektit për mua si lojtar dhe person.
Tek Warriors u veçua paraqitja e ‘magjistarit’ Stephen Curry që shënoi 27 pikë, por ishin të pavlefshme për të arritur fitore pasi bashkëlojtarët nuk ishin në nivelin e tij.
