Kryeqyteti Prishtina, për këtë vit ka ndarë mbi 300 mijë euro për ofruesit e shërbimeve sociale brenda territorit të saj.
Këtë e ka bërë të ditur drejtoresha e Drejtorisë së Mirëqenies Sociale Adelinë Sahiti.
Ajo ka deklaruar se janë të lumtur për numri e lartë të aplikuesve në thirrjen publike të DMS-së.
“Jemi të lumtur që përmes thirrjes tonë publike kemi pas interesim të jashtëzakonshëm nga partnerët tanë, organizatat e shoqërisë civile të cilat kanë tejkaluar shifrën e 80 sosh për të aplikuar. Sigurisht që nuk ka qenë punë e lehtë e komisionit për të vlerësuar secilën nga to, por se jemi të kënaqur me rezultatin që e kemi”, tha Sahiti.
Risi sipas Sahitit këtë vit kanë sjell 8 projekte e të cilat kanë synime e objektiva që do të përmbushin misioni që ka kjo drejtori duke ofruar qasje e gjithëpërfshirës për grupet e cenueshme.
“Duhet theksuar se këtë vit kemi premier 8 programe apo projekte. Ato prekin punësimin e grave, nënave vet ushqyese në lëmin e pastiçerisë, në aftësimin e tyre profesional në fusha të ndryshme, në trajnimin e të rinjve me aftësi të kufizuara përmes formave të reja të teknologjisë informative, gjuha e shenjave për personat e shurdhër, e po ashtu do të kemi dhe themelimin e qendrës së parë ditore për gratë e verbra. Nuk duhet përjashtuar as komunitetet jo shumicë për të cilat do të ofrohen programe e projekte konkrete”, nënvizoj ndër të tjera Sahiti.
Nga thirrja publike e DMS-së janë mbështetur 36 organizata të shoqërisë civile në vlerën totale të 306 mijë e 419 eurove.
Ndërsa për pesë ditë kalendarike nga dita e shpalljes së rezultateve të gjitha organizatat që nuk kanë plotësuar kriteret sipas thirrjes kanë të drejtën e ankesës.
