Kryeministri i Kosovës, Albin Kurti, e ka publikuar propozimin e tij për planin e sekuencimit të implementimit të Marrëveshjes Bazike, raporton teve1.info
Përmes një cicërime në Twitter, Kurti ka shkruar se ky ka qenë propozimi i vetëm sot në Bruksel, ndërkohë letrën e palës ku kërkohet Asociacioni dhe më pas zbatimi i marrëveshjeve të tjera, e ka quajtur kushtëzim.
Mënyrën e implementimit të neneve të Marrëveshjes Themelore dhe themelimin Asociacionit të Komunave me Shumicë Serbe, Kurti e ka ndarë në disa faza, derisa nuk ka cekur ndonjë periudhë kohore.
Pas pikës së parë ku kërkon miratimin e Deklaratës për personat e zhdukur, Kurti ka propozuar të vazhdohet me nenin 7 të marrëveshjes, ku duhet bëhet marrëveshje për prezantimin e draft-statutit nga Ekipi Menaxhues, draft-statut që duhet të përfundohet nga Kosova.
This is the sequencing plan for the implementation of the Basic Agreement I proposed today in Brussels. It was the only proposal on the table. pic.twitter.com/Uv3NH6OuTr
— Albin Kurti (@albinkurti) September 14, 2023
