Kryetari i DPK-së, Memli Krasniqi, ka kërkuar zgjedhje të parakohshme në Kosovë, raporton teve1.info
Pas një takimi me Ambasadorin e SHBA-së në Kosovë, Jeffrey Hovenier, Krasniqi ka shkruar në Facebook se kjo Qeveri e ka humbur rrugën dhe sipas tij kredibilitetin e saj, andaj ka kërkuar organizmin e zgjedhjeve të parakohshme në Kosovë.
Krasniqi tha se me ambasadorin amerikan ka diskutuar për situatën politike në vend dhe veprimet e nevojshme përpara.
“Për PDK-në, siç kemi thënë nga fillimi, veprimet e njëanshme dhe të pakoordinuara të Qeverisë së Kosovës, të cilat përtej dëmtimit të progresit dhe imazhit të vendit, i sollën Kosovës edhe sanksione nga partnerët kryesorë ndërkombëtarë, janë tërësisht të papranueshme.
Ky nuk është vullneti i qytetarëve dhe ajo për të cilën ata kanë votuar, rrjedhimisht, Ambasadorit amerikan i shpreha qëndrimin që Kosova të mos vuaj masa ndëshkuese për shkak të kryeneçësisë politike të një individi.
PDK vlerëson se kjo Qeveri e ka humbur rrugën e duhur, njëkohësisht edhe kredibilitetin e saj, prandaj, zgjedhjet e parakohshme janë alternativa e vetme”, ka shkruar ndër të tjera Krasniqi.