Prokuroria Speciale e Kosovës ka ngritur aktakuzë ndaj të pandehurit M.E. për kryerje të veprës penale “Blerje, posedim, shpërndarje dhe shitje të narkotikëve”, raporton teve1.info
Sipas komunikatës së Prokurorisë, tek i pandehuri është gjetur sasi e konsiderueshme e narkotikëve të llojit Marihuanë.
“Prokuroria Speciale njofton se i pandehuri M.E. me dashje dhe me qëllim që vetës t’i sjell përfitim pasuror të kundërligjshëm ka vepruar në bashkëkryerje edhe me të pandehurit tjerë tashmë të dënuar, të cilët pa autorizim kanë shpërndarë, shitur, transportuar, ndërmjetësuar në shitje, e duke dërguar në transit substanca narkotike të shpallura me ligj si substanca të ndaluara, respektivisht substancë narkotikë të llojit “Marihuanë” në sasi të konsiderueshme.
Me këto veprime i pandehuri M.E. në bashkëkryerje ka kryer veprën penale ‘’Blerja, posedimi, shpërndarja dhe shitja e paautorizuar e narkotikëve, substancave psikotrope dhe anologe’’ nga neni 267 paragrafi 2 lidhur me par.1 dhe nenin 31 të KPRK-së”, thuhet në komunikatë.
