Ka disa vite që mban një sekret.
E të flasë për të nuk e ka të lehtë.
Kjo pasi 22 vite më parë, Selver Bekteshi nga Gjilani gjeti flamurin kombëtar në bunkerin e Adem Jasharit në Prekaz.
“Tu kqyr tu vizitu unë e kam vërejtur flamurin e kuq, i mbulum me dega dhe me fleta, dhe unë e kam këqyr mirë dhe e kam marrë. Po duke e ngrit ai edhe u dëmtua sepse ka qëndrua nëpër borë e shi e në diell”, tha Selver Bekteshi.
Zbulimin për herë të parë të flamurit me shqiponjën dy krenare, 82-vjeçari e vazhdoi me lot në sy e duke mos iu përmbajtur emocioneve.
“Kam emocione. Ky është gjysmë flamuri sepse pjesa i ka mbetur në tokë i dëmtuar por për respekt unë do të çohem në këmbë”, tha ai.
Atë ditë ai e kujton edhe përmes fotografive.
Tani ai do ta ruajë vetëm çantën, pasi flamurin ka vendosur t’ia dorëzojë familjes Jashari.
Më 28 nëntor të vitit 2968, Bekteshi kishte ngritur Flamurin Kombëtar Shqiptar, atë kohë si kryetar i grupit të Llopatit. /teve1.info/
