Qendra Operative e Agjencisë për Menaxhimin e Emergjencave ka raportuar për 37 vatra zjarri të regjistruara në gjithë vendin.
Vetëm gjatë gjashtë orëve të fundit, 22 prej tyre janë ende aktive, ndërsa 52 të tjera janë lokalizuar.
Situata më e rënduar paraqitet në fshatin Kçiq i Vogël, në Komunën e Mitrovicës, ku është kërkuar ndihma e KFOR-it, Forcës së Sigurisë së Kosovës dhe Policisë së Kosovës. Aktualisht, në intervenim janë të angazhuara njësitë e Mitrovicës Jugore dhe Veriore, Zubin Potokut, Prishtinës, Vushtrrisë, si dhe Njësia Nacionale për Shuarjen e Zjarreve nga Toka (GFFF).
Në njoftim është bërë e ditur se ndërhyrjet po zhvillohen sipas kërkesave të terrenit.
Agjencia ka theksuar se menaxhimi i situatës po bëhet në koordinim me njësitë profesionale të zjarrfikësve.
