Autoritetet kineze kanë thënë se 22 persona janë vrarë dhe 3 janë plagosur në një zjarr në një restorant në qytetin verior të Liaoyang.
Nuk u dha asnjë informacion mbi shkakun e zjarrit, i cili shpërtheu pak pas mesditës, por imazhet nga vendi i ngjarjes treguan flakë të mëdha që dilnin nga dritaret dhe dyert e ndërtesës dy ose tre katëshe.
Një raport pak më i gjatë i publikuar disa orë më vonë përmes byrosë provinciale të radios dhe televizionit tha se zjarri ishte shuar dhe kërkimi për të mbijetuarit kishte mbaruar, raporton AP.
Aksidentet industriale ndodhin shpesh në Kinë, zakonisht për shkak të injorimit të masave të sigurisë nga stafi për shkak të mungesës së trajnimit ose presionit nga eprorët e tyre.
