Policia e Kosovës ka njoftuar se në bashkëpunim me Ambasadën e Shteteve të Bashkuara në Prishtinë, Programin Ndërkombëtar të Asistencës në Trajnim për Hetimet Kriminale të Departamentit të Drejtësisë (ICITAP) dhe Administratën për Zbatimin e Drogës (DEA), kanë përfunduar me sukses kursin njëjavor për Informatorët Konfidencial të mbajtur në Prishtinë.
Me anë të një njoftimi në Facebook, bëhet e ditur se 22 pjesëmarrësve, përfaqësues të Policisë së Kosovës dhe Inspektoratit Policor, iu dorëzuan certifikatat.
“Kursi u zhvillua nga instruktorë të DEA-s, të cilët ligjëruan mbi menaxhimin e burimeve konfidenciale dhe planifikimin operacional. Programi u vlerësua për përmbajtjen e tij të specializuar, të avancuar dhe informative, e cila u dha pjesëmarrësve njohuri të vlefshme për zhvillim professional”, thuhet në njoftimin e Policisë./teve1.info/
