Gjatë seancës parlamentare ku po diskutohet tërheqja e mjeteve nga Fondi Pensional i Kosovës, Muja tha se edhe kërkesa e qytetarëve dërguar Kuvendit për tërheqje të mjeteve nga Trusti, është e shkruar keq, me gabime drejtshkrimore dhe pa argumente për tërheqjen e Trustit.
“Nuk ka specifikë apo deklaratë se çka nënkupton ky ligj. Në 2 faqe thuhet që ky projektligj synon të luftoj inflacionin dhe rritjen e çmimeve duke mos e ditë që inflacioni dhe rritja e çmimeve është e njëjta gjë. Për shkak të gabimeve drejtshkrimore është problem edhe sqarimi i kërkesës”, tha Muja.
Sipas Mujës nuk ka justifikime shtesë kurse sa i përket detajeve dhe ndikimit buxhetor tha se e ka konsultua BB-në dhe BQK-në, të cilët sipas Mujës kanë rekomanduar mostërheqjen e këtyre mjeteve.
“Në emër të grupit parlamentar të VV-së rekomandojmë që mos të votohet ky ligj dhe që edhe deputetët tjerë ta bëjnë të njëjtit gjë, mos te miratojnë këtë ligj”, tha ai.
