Dy drejtues të dy kamionëve kanë pësuar lëndime dhe janë dërguar në emergjencën e Gjilanit, pas një aksidenti në komunikacion, raporton teve1.info
Sipas zëdhënësit të Policisë për Rajonin e Gjilanit, Ismet Hashani, në aksident janë përshirë dy kamionë dhe një veturë, derisa lëndime kanë pësuar drejtuesit e dy kamionëve.
“Ju njoftojmë se sot me datë 14.04.2023 rreth orës 09:00 në magjistralen Gjilan – Prishtinë në fshatin Llabjan ka ndodhur një aksident Trafiku me lëndime.
Nga vendi I ngjarjes patrulla e Komunikacionit rrugor njofton se të involvuar në aksident janë dy kamionë transportues dhe një veturë.
Me këtë rast lëndime trupore kanë pësuar dy vozitësit e kamionëve të cilët janë dërguar në qendrën emergjente në Gjilan për tretman mjekësor”, ka thënë Hashani për teve1.
Sipas tij, në vendin e ngjarjes ka dalë njësiti I zjarrfikësve ku kanë ndihmuar largimin e kamionëve dhe lirimin e rrugës.
Policia e Kosovës njësitet rajonale të komunikacionit rrugor janë në vendin e ngjarjes dhe po i heton rrethanat e këtij aksidenti.
