Lidhja Demokratike e Kosovës, nuk e mbështet rekomandimin e Komisionit për Ekonomi, Industri, Ndërmarrësi dhe Tregti, për shkarkimin e kryesueses dhe anëtarët e Bordit të Komisionit të Pavarur për Miniera dhe Minerale.
Deputetja e kësaj partie, Valentina Bunjaku-Rexhepi, gjatë debatit paralementar në Kuvend, vlerësoi që shkarkimi i këtij bordi është i jashtëligjshëm.
“Sa i përket shkarkimit të këtij bordi, debat kemi pasur edhe më herët. Fillimisht keni sjellë shkarkimin e këtyre anëtarëve dhe keni gabuar proceduralisht. Këtë bord e keni emëruar vetë dhe tani kërkoni ta shkarkoni. Unë jam e bindur që shkarkimi i këtij bordi është për shkak se s’iu kanë dëgjuar, e jo për shkak të defekteve apo gabimeve që i kanë bërë si bord. Ky shkarkim është i jashtëligjshëm. Ata që po i emëroni e nuk po iu dëgjojnë, po sillini e po i shkarkoni. Kështu që, Lidhja Demokratike e Kosovës, nuk merr pjesë në votim, ju e keni arrogancën e numrave dhe pikërisht këtë po e shfrytëzoni”, deklaroi Bunjaku-Rexhepi para deputetëve.
Mbështetje ndaj këtij propozimi, nuk pati as Aleanca për Ardhmërinë e Kosovës.
Me ç’rast, Shefi i Grupit Parlamentar i kësaj partie, Besnik Tahiri, tha se të gjitha emërimet e bordeve deri më tani, kanë qenë të lidhura ngushtë me nepotizëm, përcjell teve1.info.
Është ky bord që kur është emëruar ka pasur një lavdatë publike për këta persona të cilët sot janë para Kuvendit për shkarkim. Dua ti pyes kolegët e Vetëvendosjes, se cka ka ndryshuar tani. Se paku nuk duhet t’iu hyjnë në hak këtyre njerëzve duke I akuzuar për shkelje. Të gjitha veprimet që kanë ndodhur deri më tash në emërimin e bordeve dhe në emërimin e personave që udhëheqin agjencione të pavarura, janë të lidhura ngushtë me familjarizim e nepotizëm. Andaj, AAK-ja këtë rekomandim dhe vendim e kemi kundërshtuar edhe më herët, por e kundërshtojmë edhe këtu.
Pika e parë e rendit të ditës për seancën e sotme në Kuvend, është shqyrtimi i rekomandimit të Komisionit për Ekonomi, Industri, Ndërmarrësi dhe Tregti për shkarkimin e kryesueses dhe anëtarët e Bordit të Komisionit për Pavarur për Miniera dhe Minerale./teve1.info/.
