Gjykata Themelore në Ferizaj ia ka caktuar masën e paraburgimit prej 1 muaji të pandehurit Sh.B., për kryerjen e veprës penale “Grabitja”, raporton teve1.info
Sipas komunikatës së Gjykatës, i pandehuri S.Hb. së bashku edhe me K.B. dhe A.Z., më 20 shtator të vitit të kaluar, e kishin futur në veturë me forcë të dëmtuarin A.S. duke e dërguar në një pyll, rrahur dhe ia marrë mbi 300 Euro.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se i pandehuri më 20 shtator 2022 në një rrugë në Ferizaj, në bashku me të pandehurin K.B. dhe A.Z., me qëllim të përvetësimit të pasurisë së luajtshme të personit tjetër, e që vetës t`i sjellë përfitime pasurore të kundërligjshëm, kanë kryer grabitje në dëme të dëmtuarit A.S., në atë mënyrë që derisa ishin duke lëvizur me veturën e tyre, në momentin që e takojnë të dëmtuarin e detyrojnë të hyjë në veturë, duke sulmuar fizikisht gjatë rrugës, pastaj vazhdojnë tek vendi i panjohure në pyll, ku me të arritur aty e kishin zbritur dhe e kishin sulmuar fizikisht duke i shkaktuar lëndime trupore, duke përdorë forcë arrijnë që t`ia marrin portofolin, në të cilën kishte shumën e të hollave rreth 327 euro dhe të njëjtit janë larguar në drejtim të panjohur”, thuhet në komunikatë.
Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform dispozitave të KPPRK-së, dhe të njëjtit i është caktuar masa e paraburgimit në kohëzgjatje prej një (1) muaj, thuhet ën njoftim.
Me këtë rast, sipas komunikatës, palët njoftohen se ankesa kundër këtij aktvendimi nuk e shtynë ekzekutimin e tij.
