Për largimin nga e tyre FSK-ja, kanë folur Marko Rakiq dhe Mlagjan Vllashkoviq për mediumin “Kosovo Online”.
Rakiq u shpreh se për arsye personale kanë vendosur të “solidarizohen dhe të largohen nga FSK”.
“Ne po e përcjellim situatën aktuale dhe ngjarjet e ditëve të fundit, për arsye personale kemi vendosur të solidarizohemi dhe të largohemi nga Forcat e Sigurisë së Kosovës”, tha ai.
Kurse, Vllashkoviq thekson se ky është vendim i tyre personal dhe se nuk ka pasur presion ndaj tyre.
“Kemi punuar për gati pesë vjet dhe nuk ka pasur absolutisht asnjë presion për vendimin tonë, ky është vendimi ynë. Ne vendosëm të pajtohemi me njerëzit tanë në këto kohë të vështira, të solidarizohemi dhe të largohemi nga puna,” na tha Vllaskoviq.
Ata na konfirmuan se dorëheqjet i kanë dorëzuar dje dhe se po vijojnë procedurat e mëtutjeshme dhe se presin përfundimin e atyre procedurave administrative.
