Policia e Kosovës ka bërë të ditur se mbrëmë ka ndaluar një 21-vjeçar me inicialet L.Rr., i cili me automjet ka zhvilluar shpejtësinë 133 km/h në zonën e kufizimit 50 km/h, në magjistralen Ferizaj-Prishtinë, konkretisht në fshatin Prelez i Muhaxherëve.
Në lidhje me këtë shkelje Policia, ndaj të riut ka shqiptuar gjobë rreth 300 euro, 3 pikë negative dhe tre muaj masë mbrojtëse-heqje e patentë shoferit.
Sipas njoftimit të Policisë, 21-vjeçari në tërësi i ka pranuar kundërvajtjet e shkaktuara.
“Veprimet e tilla rrezikojnë direkt jetën e pjesëmarrësve në komunikacion dhe fton qytetarët të bashkëpunojnë me policinë”, thuhet në njoftim.
“Për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.
Të dhënat e juaja do të ruhen në konfidencialitet të plotë”.
