Presidentja Vjosa Osmani sot ka pritur në takim Cameron Alford zëvendëspresident i MCC -një agjenci e qeverisë amerikane.
Takimi vjen në prag të fillimit zyrtar të Programit Kompakt – një grant prej mbi 200 milionë euro për sektorin energjetik.
Osmani theksoi se Programi Kompakt është investimi më i madh në fushën e energjisë dhe shërben si dëshmi e fuqisë së partneritetit Kosovë-SHBA.
“Në takim u diskutua për fillimin zyrtar të Programit Kompakt, me ç’rast, Presidentja Osmani theksoi se granti prej mbi 200 milionë euro nga MCC-ja do ta transformojë thellësisht sektorin tonë të energjisë. Tutje, Presidentja Osmani tha se ky program do të japë kontribut strategjik në përmirësimin e infrastrukturës energjetike, fuqizimin e sektorit privat, si dhe do t’i nxisë mundësitë ekonomike për qytetarët e Kosovës”, bëhet e ditur në njoftim.
