Pallati i Rinisë dhe i sporteve në Prishtinë po bëhet gati për edicionin e ri të sporteve të ndryshme dhe rinovimi i tij është afër përfundimit.
Rreth 200 mijë euro është shuma që ka investuar Qeveria e Republikës së Kosovë në këtë palestër ku do të rinovohet dyshemeja, karriget dhe koshat me standarde të FIBA-së.
“Drejt përfundimit renovimi i Palestrës Sportive në Pallatin e Rinisë, investim 200 mijë euro i Qeverisë së Kosovës. Me dysheme profesionale, kosha dhe karrige me standarde të FIBAs, po sigurojmë qëndrueshmëri infrastrukturore për komunitetin sportiv, për garat e Lojërave Mesdhetare 2030, si dhe klubet të cilat kishin nevojë të kahmotshme për këtë renovim.”, thuhet në njoftimin e lëshuar nga Ministria për Kulturë, Rinisë dhe Sport.
