20- vjeçari nga Gjakova ka pësuar lëndime të rënda trupi si pasojë e shpërthimit që dyshohet të jetë aksidental i një zolle në shtëpinë e tij.
Drejtori i Emergjencës në QKUK, Naser Syla për Tëvë 1 ka thënë se gjendja e tij është e rëndë dhe se ai është duke u trajtuar në intensive.
“Ka marrë ndërhyrje në sallën e Emergjencës prej ekipeve kujdestare tash është në mjekim intensiv. Gjendja shumë e rëndë, një politraumë e rëndë”, ka thënë ai për redaksinë.
Rasti është konfirmuar edhe nga Policia e Kosovës.
“Sot, rreth orës 01:20, një mashkull rreth 20 vjeç është dërguar për trajtim mjekësor si pasojë e lëndimeve të rënda të shkaktuara nga një mjet shpërthyes. Menjëherë në vendngjarje kanë dalë të gjitha njësitë relevante policore, dhe sipas hetimeve fillestare, dyshohet se viktima, aksidentalisht ka shkaktuar shpërthimin e mjetit në shtëpinë e tij, në fshatin Dobrigje-Gjakovë. Për rastin është njoftuar prokurori i shtetit, në konsultim me të cilin është iniciuar rast “shkaktim i rrezikut të përgjithshëm”, ka deklaruar zëdhënësi i policisë për rajonin e Gjakovës, Shehremet Elezaj./teve1.info/
