Këshilltari i lartë i Departamentit amerikan të Shtetit, Derek Chollet, ka zhvilluar një bisedë me presidentin e serb, Aleksander Vuçiq, një ditë para takimit që do të zhvillohet në Bruksel, ku Kurti e Vuçiq pritet të takohen në ndërmjetësimin e zyrtarëve të BE-së.
Chollet ka shkruar në Twitter se e përkrah angazhimin e Serbisë në propozimin e Bashkimit Evropian për marrëveshjen finale me Kosovën.
“Përshëndes angazhimin e vazhdueshëm të Serbisë për konstruktivitetin në propozimin e BE-së për sigurimin e paqes dhe stabilitetit në rajon”, shkroi Chollet.
Zyrtari amerikan ditë më parë ka biseduar edhe me kryeministrin Kurti ku ka përgëzuar atë për pranim e planit franko-gjerman.
Spoke with President Vucic @predsednikrs today to express strong U.S. support for the February 27 meeting with EU HR/VP Borrell in Brussels. Welcomed Serbia’s continued commitment to constructive engagement on the EU proposal for securing peace and stability in the region.
— Derek Chollet (@CounselorDOS) February 26, 2023
