Ministri i Mbrojtjes, Armend Mehaj bashkë me kryeministrin, Kurti po qëndrojnë në vizitë zyrtare në Norvegji.
Mehaj përmes një njoftimi ka bërë të ditur se sot janë pritur në takim nga ministrja e Punëve të Jashtme të Norvegjisë, Anniken Huitfeldt.
“Të dy delegacionet shprehëm interesimin e përbashkët për rritjen e bashkëpunimit ekonomik dhe të marrëdhënieve tregtare. Qëndrim i përbashkët ishte që të forcohet edhe më tej uniteti i plotë i vendeve që ndajnë vlerat e përbashkëta euroatlantike, në dënimin e agresionit rus ndaj Ukrainës”, shkroi Mehaj.
Mehaj falënderoi dhe shprehu mirënjohjen e lartë për mbështetjen e pandërprerë të Norvegjisë në fushën e sigurisë si dhe projekteve të shumta që ndikuan në zhvillimin socio-ekonomik të Kosovës.
