Gjatë seancës planare në Kuvend, Zemaj tha se Kurti fillimisht duhet ta shkarkojë veten nga pozita e drejtuesit të shëndetësisë, teksa kërkoi që sa më shpejtë të emërohet një ministër i këtij sektori.
“Dje kemi shprehur shqetësimin tonë të thellë për rastin tragjik që ka ndodhur me foshnjën e pajetë në spitalin e Pejës. Ne e cilësojmë si një krim të rëndë dhe për më keq krim i cili është tentuar të fshihet nga pushteti për 8 ditë me radhë. E kemi thënë në vazhdimësi që kjo Qeveri e cila i ka prodhuar tre ministra të shëndetësisë për dy vite, përfshirë Kurtin si vet të emëruar, ka arritur kulmin e dëmtimit në sektorin e shëndetësisë. Kryeministri Kurti është i pari që duhet ta shkarkojë veten nga pozita e drejtuesit të shëndetësisë. Kryeministër, pas këtij dështimit tënd të faktuar, së paku mundohu ta emërosh një ministër të shëndetësisë, atë sa më parë”, u deklarua Zemaj para deputetëve.
Tutje, Zemaj vlerësoi se të gjithë personat e përfshirë në këtë ngjarje, duhet të shkarkohen e dënohen menjëherë.
“Dorëheqja e përgjegjësve është i vonshëm, por shkarkimi i tyre është i domosdoshëm”, tha tutje Zemaj.
E sipas tij, fshehja e këtij rasti nga pushteti përgjegjës, duhet të konsiderohet si krim makabër./teve1.info/.