Deputetët e Kuvendit të Kosovës e kanë votuar themelimin e Komisionit Hetimor Parlamentar për rezervën shtetërore, raporton teve1.info.
Në votim kanë marrë pjesë gjithsej 75 deputetë, ku 69 prej tyre kanë qenë për dhe 1 abstenim.
Ndryshe propozimin për themelimin e Komisionit Hetimor Parlamentar për rezervën shtetërore e kanë propozuar 41 deputetë nga opozita.
Kurse deputeti i Lëvizjes Vetëvendosje, Gazmend Gjyshinca gjatë seancës tha se mbështetë iniciativën e LDK-së e cila është përkrahur edhe nga PDK e AAK, për themelimin e Komisionit Hetimor Parlamentar për çështjen e rezervave shtetërore, duke përmendur dy arsye se pse e mbështetë themelimin e këtij komisioni.
“Publiku ka të drejt ta dijë, në detaje se çfarë ka ndodhur, qoftë nga gjyqësori apo legjeslativi, e dyta besoj se është në kuadër të punës së deputetëve që t’i shërbej interesit publik, duke shfrytëzuar mekanizmat të cilat garantohen me Kushtetutë. Prandaj në dritën e kësaj që thash, për t’i shërbyer interesit publik, unë sot do ta përkrahë formimin e këtij komisioni hetimor.” – tha ai.
E gjithë seanca e sotme parlamentare është shoqëruar me debat të ashpër në Kuvend nga deputetët e pozitës dhe opozitës.
Teksa, lidhur me çështjen e rezervave shtetërore, është kryer bastisje nga Policia e Krimeve Ekonomike në ministrinë e Industrisë dhe Tregtisë, ku disa zyrtarë ishin arrestuar, por të njëjtin janë liruar./teve1.info./
