Analisti, Dorajet Imeri, thotë se ka shumë pak interes për ta paraqitur atë se çfarë realisht ka ndodhur në sulmin e Banjskës.
Madje sipas tij, shteti serb duhet ta kalojë këtë situatë në heshtje, shkruan teve1.info.
“Ka pak interes për ta paraqitur në terma real se çfarë ka ndodhur. Pra, Bashkimi Evropian dhe Shtetet e Bashkuara të Amerikës, kanë qenë të zmbrapsur nga qëndrimet ose deklarimet e drejtpërdrejta, se çfarë realisht ka ndodhur. Serbia nuk do ta ndërmarrë asnjë veprim tjetër në teren, por do ta kalojë situatën në heshtje”, deklaroi Imeri në emisionin “Këndi i Debatit”.
Po ashtu, Imeri vlerësoi që kalimi i situatës në heshtje, nuk nënkupton favorizim të Kosovës në pozicionin negociues me Serbinë.
Kujtojmë që në fshatin Banjskë të komunës së Zveçanit, grupe të armatosura serbësh sulmuan policinë e Kosovës më 24 shtator, duke vrarë rreshterin Afrim Bunjaku.
Në shkëmbimin e zjarrit që pasoi, u vranë edhe tre sulmues./teve1.info/.