Sindikata e Bashkuar e Arsimit, Shkencës dhe Kulturës (SBASHK), ka reaguar pas vendimit të Ministrisë së Arsimit që tekstet shkollore edhe këtë vit të ofrohen përmes subvencionimit të prindërve.
SBASHK-u, e ka vlerësuar veprim të gabuar pasi që vitin e kaluar i njëjti vendim ka krijuar probleme dhe gjatë muajve shtator-tetor i ka lënë një numër të madh të nxënësve pa tekste shkollore.
“SBASHK-u, por edhe të tjerët, kishin kritikuar arsyeshëm vendimin e vitit të kaluar lidhur me shpërndarjen e teksteve shkollore përmes librarive dhe subvencionimin për to në xhirollogaritë e prindërve. Ky vendim i gabuar krijoi probleme dhe shtatori e tetori i vitit të kaluar shkollor i gjeti një numër të konsideruar të nxënësve ende pa të gjitha tekstet shkollore. SBASHK-u këtë kundërshtim e ka përsëritur edhe në takimin e kryetarit Jasharaj me zëvendësministrin Taulant Kelmendi duke e lutur që mos të veprohet njëjtë me tekstet shkollore, por që ato të dërgohen me kohë në shkolla nga botuesit”, theksohet në reagim.
Po ashtu në reagim është thënë se MASHTI nuk po i dëgjon kritikat dhe as kërkesat e SBASHK-ut, të Këshillit të prindërve e as të palëve të tjera dhe po vazhdon ta përsërisë gabimin.
Sipas SBASHK-ut, ministrja Nagavci duhet të merret me këto kërkesa të përsëritura e të dorëzuara edhe me shkrim te zëvendësministrit Kelmendi në takimin me ftesën e tij.
“U pa se MASHTI nuk ka dëgjuar kritikat e arsyeshme e as këshillat tona, të Këshillit të prindërve e as të palëve tjera dhe do ta përsërisë gabimin. Konsiderojmë se Këshilli i prindërve duhet ta thotë fjalën e vet lidhur me këtë veprim të gabuar e të përsëritur të MASHTI-t sepse ata janë zëri i prindërve të Kosovës, ndërsa ne do të vazhdojmë të jemi zë i anëtarësisë sonë në kërkim të dialogut dhe realizimit të kërkesave”, theksohet tutje.Zonja Nagavci duhet të merret me këto kërkesa, që në mënyrë të shkruar prapë ia kemi ripërsëritur dhe ia kemi dorëzuar zëvendësministrit Kelmendi në takimin me ftesën e tij. Për këshillat e saj se çfarë duhet të bëjë SBASHK nuk kemi nevojë se ne veprojmë bazuar në zërin dhe kërkesat e anëtarësisë. Të gjithë duhet ta arsyetojmë e respektojmë besimin e atyre që përfaqësojmë.ut dhe realizimit të kërkesave”, thuhet në reagim.
Ndryshe, aplikimi për subvencionim do të hapet nga nesër (e mërkurë).
Në një konferencë për media të mbajtur të martën Nagavci ka thënë se për nxënësit nga klasa e 1-5 vlera e subvencionimit do të jetë 80 euro, ndërsa për ata nga klasa 6-9 vlera do të jetë 110 euro.
