“Absolutisht nuk kemi të bëjmë me qytetarë të zakonshëm, këta janë njësi të mirë trajnuar”, vlerësoi kështu njohësi i çështjeve të sigurisë, Selam Shkodra, teksa përshkroi grupin e armatosur serb, të cilët gjatë një sulmi mbrëmë në veri, e vranë një zyrtar policor të Kosovës.
Madje, Shkodra thotë se shteti serb ka qenë organizator dhe është në dijeni për këtë akt të kryer në veri.
“Jam i bindur që strukturat e sigurisë të shtetit serb kanë qenë në dijeni dhe kanë qenë organizatorët që këtë grup terrorist e kanë hedhur në aksion brenda territorit të Kosovës. Absolutisht nuk kemi të bëjmë me qytetarë të zakonshëm, këta janë njësi të mirë trajnuar. Mënyra se si janë tërhequr dhe kanë sulmuar dhe vendi ku kanë sulmuar, është një vend strategjik. Ndërsa, mënyra se si janë tërhequr pa pasur pasoja në vendin e ngjarjes dhe janë vendosur përreth Manastirit, lë të kuptohet që operacioni ka qenë i planifikuar mirë”, deklaroi Shkodra në emisionin Special në Tëvë1, pas zhvillimeve të fundit në veri.
Po ashtu, Shkodra thotë se Bashkësia Ndërkombëtare dhe rajoni, e dinë që prapa këtyre strukturave, janë shërbimet e fshehta serbe.
Teksa shtoi se arsyeja që këto grupe organizohen në këtë mënyrë, është për t’iu shmangur përgjegjësisë direkte.
“Sulmi i orëve të hershme në pjesën veriore të vendit ndaj pjesëtarëve të Policisë së Kosovës, është akt mirë i organizuar terrorist. S’do mend që ky grup i organizuar ka stilin e veshjes të ËAGNER-it. Këta quhen forca “Bedele”, që policia dhe strukturat e sigurisë të shtetit serb, i mirë trajnojnë, i organizojnë dhe më pastaj i hedhin në teren. Arsyeja që këta organizohen në këtë mënyrë, është për t’iu shmangur përgjegjësisë direkte. Mirëpo Bashkësia Ndërkombëtare dhe rajoni, e dinë që prapa këtyre strukturave, të gjitha janë organizuar nga shërbimet e fshehta serbe”, shtoi tutje Shkodra./teve1.info/.
