Rohde në një intervistë për Tëvë1, tha se fakti që Kosova është një shtet sovran, i jep të drejtë t’i marrë vendimet vetë për këtë temë.
“Ne jemi në shekullin 21 kur po ndodh një luftë dhe ne po flasim për një marrëveshje për targa. Kosova është një shtet sovran, këtë e kam thënë unë, sikundër edhe kolegët e mi disa herë- që një shtet sovran ka të drejtë të vendos për çështjen e targave, kjo është shumë e qartë. Gjithashtu, vendimi i Kosovës lidhur me targat është në përputhje me marrëveshjet e Brukselit”, u shpreh Rohde.
Tutje, ai tha se shpreson që kjo çështje të përmbyllet në mënyrë profesionale. Pasi sipas tij, kjo do u japë njerëzve kohë të mjaftueshme ta bëjnë ndërrimin e targave./Tëvë1.info./