Kryetari i Komunës së Prishtinës, Përparim Rama, ka njoftuar se po vazhdon me sukses adoptimi i qenve endacakë.
Njëherit, Rama ka bërë të ditur që në më pak se nja javë janë adoptuar 30 qenë endacakë, teksa ka shtuar që e kanë për synim që secili qen në kryeqytet të ketë një pronar, raporton teve1.info.
“Po vazhdon me sukses adoptimi i qenve endacakë. Në më pak se një javë janë adoptuar 30 qenë endacak, ndërkohë që janë lajmëruar shumë qytetarë të cilët duan të adoptojnë këto kafshë. Ekipet tashmë janë duke i shqyrtuar kërkesat dhe në kohë të shkurtër do ju kthejnë përgjigje. Po synojmë që secili qen në kryeqytet të ketë një pronar. Jemi siguruar që të ofrojmë kushte dhe trajtim human për qentë dhe siguri shtesë për qytetarët e kryeqytetit. Jam shumë falënderues që një numër i madh i qytetarëve kanë shprehur interesim për adoptim”, ka shkruar Rama në Facebook.
Më tej, Rama thotë se secili nga qenë që jepet për adoptim do të jetë i pajisur me mikroçip dhe se numri i tij do jetë i vendosur në kontratë.
“Montorimi do të bëhet nga Drejtoria për Siguri dhe Emergjenca”, përfundon i pari i Prishtinës./teve1.info/.