Kryeministri i Shqipërisë, Edi Rama, është takuar me Ndihmës Sekretarin Amerikan të Shtetit, James O’Brien.
Takimi siç ka njoftuar Rama në Facebook, është zhvilluar para darkës së punës me liderët e Ballkanit Perëndimor dhe përfaqësuesve të lartë të administratës amerikane e të BE.
Liderë rajonalë të Ballkanit Perëndimor dhe zyrtarë tjerë të lartë do të mblidhen të hënën, më 22 janar, në Shkup të Maqedonisë së Veriut, për të marrë pjesë në punimet e konferencës së Bashkimit Evropian për rritje ekonomike të rajonit.
Bëhet fjalë për konferencën “Plani i Rritjes së Ballkanit Perëndimor dhe Integrimi më i Shpejtë në BE”.
