Vrasja e 18-vjeçarit në Podujevë e cilësuar fillimisht nga Policia e Kosovës si “Therje me thikë” e më pas si “Vrasje në tentativë”, sipas ish-drejtorit të këtij institucioni, tani deputet i PDK-së, Rashit Qalaj u raportuan në mënyrë korrekte, në bazë të rrethanave që fillimisht kishte raportuar polici patrullues.
“E, kualifikimi i vrasjes në tentativë, ishte fillimisht ashtu siç duhet, pasi i ndjeri ishte ende gjallë. Ndërsa pamjet e krimit, që janë publikuar, polici që ishte në vendin e ngjarjes, nuk i kishte parë, por me informata fillestare ka raportuar…”, tha Qalaj në “InfoNata”.
Tutje Qalaj, ka treguar në “InfoNata” edhe procedurat që një polic patrullues duhet ndjekur pas raportimeve të tilla nëpër Qendrat komunikuese të Policisë.
“Zakonisht në raste të tilla, polici i parë që arrin në vendin e ngjarjes, me aq informata që ka do të duhej t’i jepte informatat e para në Qendrën komunikuese ku ka ndodhur rasti, dhe me ato informata shkruhet raporti shpejtë. Sipas informatat që i kam, se aty është gjetur edhe një thikë dhe disa gjëra të tjera. Polici i parë në vendin e ngjarjes, kanë qenë ashtu sikur atij ja ka marrë mendja. Janë procedura standarde në PK, dhe mendoj që polici i parë është patrullues, dhe zakonisht s’ka përvojë në hetime, dhe ai ia ka dhënë shënimet e para, duke konsideruar që aty është gjetur një thikë, po supozojë që ai ka menduar që viktima është therur me thikë.”, vazhdoj tutje ai.
E, në rast se konstatohet që në këtë rast ka pasur mungesë të hetimeve, ai tha se do të ishte menaxhmenti i PK-së, do të duhej t’i suspendonte zyrtarët policor që janë marrë me këtë rast.
