Tre shtetas britanikë janë sulmuar me armë zjarri nga një veturë në lëvizje në Prishtinë.
Njëri nga ta ka pësuar lëndime të lehta trupore.
Në raportin 24 orësh të policisë bëhet e ditur që lidhur me rastin është intervistuar një person, derisa nga ai kanë konfiskuar një pistoletë, përcjell teve1.info.
Njëherit, në vendin e ngjarjes janë gjetur tri gëzhoja të pistoletës.
“Rr. Rrafshi i Kosovës, Prishtinë 23.08.2023 – 01:50. Tre viktimat meshkuj me shtetësi Britanike, kanë raportuar se persona të panjohur, nga një veturë në lëvizje kanë shtënë me armë zjarri në drejtim të tyre dhe si pasojë njëri prej tyre ka pësuar lëndime të lehta trupore. Në vendin e ngjarjes janë gjetur tri gëzoja të pistoletës. Lidhur me rastin është intervistuar një i dyshuari mashkull kosovar, dhe nga ai është konfiskuar një pistoletë. Me vendim të prokurorit i dyshuari është liruar dhe rasti shkon në procedurë të rregullt”, raporti i plotë i policisë./teve1.info/.
