Partia Demokratike e Kosovës ka paralajmëruar themelimin e dy Komisioneve Hetimore Parlamentare në Kuvendin e Kosovës.
Çështja e teksteve shkollore dhe kontrata njëburimore, duhet të hetohen sipas PDK-së.
Shefi i Grupit Parlamentar të kësaj partie, Abelard Tahiri, tha se procesi i teksteve shkollore është i degraduar dhe se është kaluar shumë e paraparë për pagesa.
“Do të iniciojmë edhe dy komisione tjera hetimore, njëri do të jetë për tekstet shkollore. Është një proces i degraduar dhe besojmë se ka kaluar edhe shifrat e planifikuara për pagesë”, ka thënë Tahiri të hënën pas mbledhjes së Kryesisë së Kuvendit, transmeton teve1.info.
Para fillimit të vitit të ri shkollor, Ministria e Arsimit kishte marrë vendim që të bëjë subvencionimin e teksteve shkollore me arsyetimin se shtëpitë botuese kishin rritur çmimet.
Sa i përket kontratave nj burimore ai ka thënë se gjatë dy viteve numri i tyre është shumë i lartë, për të cilat ai ka thënë se janë burim i korrupsionit në Kosovë.
“PDK ka arrit me i mbledhë në masë të madhe kontratat njëburimore, kontrata të negociuara në tavolinë nga të gjitha digasteret qeveritare dhe do të kërkojmë hetim për kontratat njëburimore, të cilat janë burim i korrupsionit në Kosovë. Është jashtëzakonisht numër i madh e shqetësues dhe kjo është arsyeja pse kërkojmë hetim”, tha Tahiri.
PDK-ja ka iniciuar themelimin edhe të dy komisioneve tjera hetimore, ati për punën e shërbimit diplomatik dhe zhdukjen e mostrave të Astrit Deharit në Institutin e Mjekësisë Ligjore.
Tahiri i ka bërë thirre shumicës në Kuvend që të reflektojë për këto dy komisione dhe të formohen ato.
