Sulmi i 24 shtatorit në Banjskë të Zveçanit është në objektivën e hetimit të njërit prej vendeve të aleancës “Five Eyes”
Në rrjetin e inteligjencës që u krijua pas Luftës së Dytë Botërore bëjnë pjesë Shtetet e Bashkuara, Britania e Madhe, Australia, Kanada dhe Zelenda e Re.
Ishte vetë deputetja e Britanisë së Madhe, që tregoi për këto hetime.
Por ajo tha që ky shtet nuk është i gatshëm të publikoj këto gjetje.
“ Unë e di që një vend tjetër, një vend “ Five Eyes” realizoi një hetim të tërë, po ata nuk janë të gatshëm të publikojnë rezultatet, kështu që unë mendoj se Britania e Madhe duhet me dal me rezultate duke shpjeguar saktësisht atë çfarë ndodhi, sepse presidenti i Serbisë Aleksandër Vuçiq thotë se ajo çfarë ka ndodhur, nuk ka ndodhur” , thotw deputetja britanike.
Ndonëse hetimet ende nuk janë bërë publike nga kjo aleancë, njohësit e sigurisë e vlerësojnë si një hap pozitiv.
Ish kryeinspektori i AKI-së, Burim Ramadani tha se kjo do t’i ndihmoj vendit për të dalë e vërteta e sulmit në Banjskë.
E profesori i kriminalistikës, Fatmiq Çollaku ka thënë se përfshirja e agjencive inteligjente ndërkombëtare tregon seriozitetin e sulmit ndaj republikës së Kosovës nga shteti i Serbisë.
Përgjegjësinë për sulmin në Banjskë e mori Millan Radoiçiq, ish nënkryetar i Listës Serbe, por ai është i lirë.
Dënim meritor për këtë akt dhe ekstradim të Radoiciqit kanë kërkuar institucionet e Republikës se Kosovës.
Kronika e realizuar nga gazetari Venhar Isufi
