Kryetari i Sindikatës së Punëtorëve të Sektorit Privat, Jusuf Azemi, ka bërë me dije se nga ky muaj punëtorët teknik të sektorit privat në QKUK do të marrin pagat me rritje prej 100 eurove.
Azemi në një postim në “Facebook” ka falënderuar ministrin e Shëndetësisë, Arben Vitia që bëri të mundur këtë rritje. “E filluam me negociata, protesta e greva me punëtorët teknik të sektorit privat QKUK, dhe pas shumë përplasjeve, shtyrjeve këta punëtorë që nga 1 qershori 2024 pagat e tyre do të jenë me rritje për 100 euro më shumë që d.m.th 402 euro”, ka shkruar Azemi në Facebook.
Ai ka shtuar se së shpejti edhe punëtorët e sigurimit fizik do ta kenë po këtë rritje.
“Në këtë rritje duhet përmendur edhe ministrin Arben Vitia i cili me kontributin e tij bëri që 326 punëtorë t’i gëzohen kësaj rritje, ne dimë edhe të lavdërojmë kur e bëjnë punën mirë ministrat. Së shpejti edhe punëtorët e sigurimit fizik do ta kenë po këtë rritje. Ne pas 6 muajsh do të kërkojmë që edhe kjo pagë të rritet gjithherë konform ligjeve në fuqi. Kur jemi unik arrihet gjithçka që lejon ligji”, ka shkruar Azemi
