Është nënshkruar kontrata për ndërtimin e fazës së dytë të Unazës Qendrore.
Kështu njoftoi kryetari i Komunës së Prishtinës, Përparim Rama, teksa ka shkruar se kjo do të mundësojë që qendra e kryeqytetit të shkarkohet dukshëm nga komunikacioni.
“Punimet për ndërtimin e fazës së dytë të Unazës Qendrore fillojnë brenda ditësh”, ka shkruar Rama në “Facebook”.
Njëherit, kryetari ka bërë të ditur se ditëve në vazhdim do të zbulohen kontrata tjera për realizimin e projekteve të mëdha në Prishtinë, përcjell teve1.info.
“Jemi në proces të transformimit të kryeqytetit, dhe në ditët në vazhdim do të zbulojmë kontrata tjera të nënshkruara për realizimin e projekteve të mëdha që do të ndryshojnë për të mirë Prishtinën tonë”, thuhet tutje në postimin e tij./teve1.info/.
